Dil hii to hai - Mirza Ghalib

On Request Of Mr. Manish 

Dil hii to hai na sang-o-Khisht dard se bhar na aaye kyuuN

roenge ham hazaar baar koii hamen sataaye kyuuN

sang : stone
Khisht :brick

dair nahiin haram nahiin dar nahiin aastaaN nahiin
baiThe hain rahaguzar pe ham Gair hamen uThaaye kyuuN

dair : temple
haram : mosque
dar : gate 
aastaaN : doorstep

qaid-e-hayaat-o-band-e-Gam asl men donon ek hain
maut se pahale aadamii Gam se najaat paaye kyuuN

qaid-e-hayaat : prison of life 
band-e-Gam : bindings/chains of sorrow
najaat : freedom/liberation

haaN vo nahiin Khudaaparast, jaao vo bevafaa sahii
jisako ho diin-o-dil aziiz, usakii galii men jaaye kyuuN

Khudaaparast : follower of Khuda=Muslim
diin-o-dil : religion/faith and heart
aziiz : dear

“Ghalib”-e-Khastaa ke baGair kaun se kaam band hain
roiie zaar-zaar kyaa, kiijie haaye-haaye kyuuN

Khastaa : wretched
zaar-zaar : weep bitterly

dil hii to hai na sang-o-Khisht dard se bhar na aaye kyuuN
roenge ham hazaar baar koii hamen sataaye kyuuN

sang : stone
Khisht :brick

dair nahiin haram nahiin dar nahiin aastaaN nahiin
baiThe hain rahaguzar pe ham Gair hamen uThaaye kyuuN

dair : temple
haram : mosque
dar : gate 
aastaaN : doorstep

qaid-e-hayaat-o-band-e-Gam asl men donon ek hain
maut se pahale aadamii Gam se najaat paaye kyuuN

qaid-e-hayaat : prison of life 
band-e-Gam : bindings/chains of sorrow
najaat : freedom/liberation

haaN vo nahiin Khudaaparast, jaao vo bevafaa sahii
jisako ho diin-o-dil aziiz, usakii galii men jaaye kyuuN

Khudaaparast : follower of Khuda=Muslim
diin-o-dil : religion/faith and heart
aziiz : dear

“Ghalib”-e-Khastaa ke baGair kaun se kaam band hain
roiie zaar-zaar kyaa, kiijie haaye-haaye kyuuN